Анас ибн Молик розийаллоҳу анҳу Расулуллоҳ саллаллоҳу алайҳи ва салламдан ривоят қилади: “Аллоҳ таом егандан сўнг Ўзига ҳамд айтадиган, бирон ичимлик ичиб, Унга ҳамд айтадиган бандасидан, албатта рози бўлади” (Муслим, Термизий, Насоий ва Аҳмад ривояти). Уламолар ушбу ҳадисни далил қилиб, таомдан сўнг Аллоҳ таолога ҳамд айтиш мустаҳаб амаллардан эканини айтишган. Ривоятдаги “рози бўлади” жумласи Аллоҳ таолонинг бандага раҳматларини ёғдириши, унинг гуноҳларини кечириб, ўша бандани ажр- савоб билан мукофотлашини англатaди. Муоз ибн Анас розийаллоҳу анҳудан ривоят қилинишича, Расулуллоҳ саллаллоҳу алайҳи ва саллам шундай деганлар: “Кимки таом еб бўлгач, “алҳамду лиллаҳиллазий атъаманий ҳаазат-тоаъма ва розақонийҳи мин ғойри ҳавлим-минний ва лаа қувва” деса, унинг ўтган ва кейинги гуноҳлари кечирилади” (Абу Довуд, Термизий, Ибн Можа ва Аҳмад ривояти). Ушбу дуонинг маъноси: “Барча мақтов ва олқишлар менга бу таомни едирган, мен тарафимдан бирон куч ва қувватсиз у (таом)ни менга ризқ қилиб берган Аллоҳгагина хосдир!” Ҳаммод ибн Абу Сулаймондан ривоят қилинади: “Мен Абу Бурда розийаллоҳу анҳу билан кечки овқатни едим. У: “Сенга Абу Абдуллоҳ ибн Қайс розийаллоҳу анҳу ривоят қилган ҳадисни айтайми?” деди. Расулуллоҳ саллаллоҳу алайҳи ва саллам: “Кимки таом еса ва тўйса, ичимлик ичса ва чанқоғи босилса, сўнгра “алҳамду лиллааҳиллазий атъаманий ва ашбаъаний ва сақоний ва арвааний” деса, худди онадан (янги) туғилгандек гуноҳлардан покланади”, дедилар”, деб айтди” (Абу Яъло ривояти). Мазкур дуонинг маъноси: “Барча мақтов ва ҳамду санолар мени таомлантирган ва тўйдирган, суғорган ва чанқоғимни қондирган Аллоҳгагина хосдир!” Ушбу ҳадисда айтилаётган гуноҳлардан мурод кичик гуноҳлардир, кабиралар эмас. Катта гуноҳлар банданинг қатъий азму қарор билан тавба қилиши орқали кечирилиши ҳаммамизга маълум. Демак, таом истеъмол қилингандан кейин Аллоҳ таоло берган неъматларни эътироф этган ҳолда У Зотга ҳамду санолар айтишимиз ва неъматларга шукр қилишимиз бандалик вазифаларимиздан экан. Қолаверса, бу орқали улуғ ажр-савобларга ҳам эга бўламиз. Одилхон Юнусхон ўғли тайёрлади
Assalamu alaykum Ustoz Abdullo domla xazratlari tuzimilar ahli baytlar xammalari domla o'zlariga juda ihlosim baland juda sevib tinglayman maruzalarini domla internetda bir arobiyladan kordim tuyani siydigini sunnat deb ichiwyabdi va buni foydali taraflarini aytyabdi tuwunmadim xaqiqatdanxam bu sunnatmi yoki sunnat emasmi wu to'g'risida biron xadis bormi iltimos javob kutib qolamiz
