Покистонда бу йил ёзда ноодатий иссиқ ҳарорат кузатилди. Мусулмонлар бу йил Рамазон ойида қийин шароитда рўза тутмоқдалар. Термометр 50 даража иссиқни кўрсатмоқда. Карачилик 67 ёшли Гулзор Ҳусайннинг таъкидлашича, у бундай иссиқ об-ҳавони умрида биринчи бор кузатмоқда. Аммо бундай жазирама ҳарорат унга рўза тутишда бирон муаммо туғдирмаслигини ҳам айтиб ўтди. Унинг сўзларига кўра, мана шундай иссиқ кунларда 16 соат давомида овқат ва сув истеъмол қилмасдан рўза тутиш Аллоҳнинг марҳаматини янада кўпроқ англашга ва неъматлар қадрига етишга сабаб бўлади.