Савол: бошқа одамдан пул олиб, автомобил сотиб олинса ва бу пулни маълум муддатдан кейин кўпрок қилиб кайтаришнинг ҳукми қандай? Ҳозир арендага (кейинчалик ўзида қолиш шарти билан) автомобил олиш кўпайган, бу тўғрими ёки нотўғрими? Жавоб: агар узилаётган қарз олинган миқдоридан кўп қилиб қайтарилса, бу рибо бўлади. Ижарага машина олиш жоиз. Фақат ҳаром ишлар қўшилмаса бўлгани. Ўзида қолиш шарти билан машина олиш ҳукми ҳақида гапирадиган бўлсак, олдиндан пулнинг қадрсизланиши ва шу каби омилларни ҳисобга олиб, фалон пул берсанг, фалон йилда машина сенга қолади, деб олдиндан келишиб олинса бўлади. Аммо вазиятга қараб, ошириб борамиз, қабилада шартнома имзолаш мумкин эмас. Яна Аллоҳ билгувчироқдир!